Sámedikki dásseárvobargu čielggaduvvo ministarii
Duhtivaš
- Mon lean hirbmat duhtivaš ahte ráđđehus doarju sámi álbmoga dásseárvobarggu dáinna lágiin. Mii leat ožžon lasi návccaid čađahan dihte iežamet dásseárvoprográmma ja dat lea maiddái bures lihkostuvvan, dadjá Sámedikki stivraságadoalli Sara Larsson.
Bargu lea lihkostuvvan
Bellodagat leat ieža čađahan doaibmabijuid ja dasalassin lea ruđat geavahuvvon semináraide dásseárvogažaldagaid birra. Dát leat dollojuvvon Árviesjávrries ja Upmejes. Stockholmmas leai nieidavahkkoloahppa ulbmiliin ahte movttidahttit nissoniid šaddat politihkkárin. Ulbmil Sámedikki dásseárvoprográmmas ahte lasihit nissoniid Sámedikkis lea olahuvvon dal juo ja dát vuoseha ahte bargu dán rádjái lea lihkostuvvan.
Doiavu
- 2008 ledje 10 nissona 31 lahtuin. Maŋŋel válgga 2009 mii leat 15 nissona ja njeallje dain čohkkahit stivrras, gávnnaha Sara Larsson.
Dal min doaivu lea ahte beassat joatkit ovttasbarggu dásseárvoministariin nu ahte mii sáhttit nanustuhttit dásseárvobarggu ja bidjat fokusa čearuide, bellodagaide ja organisašuvnnaide, loahpaha Sara Larsson.
Oktavuohta
Sara Larsson, Sámedikki stivraságadoalli, 070-378 88 24