Stivra ságastii boahtteáiggi áššiid ja budjeahtta dárbbuid birra departemeanttain.
Sámediggestivra lea gávnnadan Eanadoallodepartemeanttain ja ságastallan leai boahtteáiggi áššiid ja budjeahttadárbbuid birra nannendihte Sámedikki politihkalaš doaimma.
Ságastallan vuogit
Stábahoavda Magnus Kindbom háledii oažžut mátkái vugiid mainna lágiin galgá joatkit ságastallama gaskal ráđđehusa ja Sámedikki ja deattuhii ahte ráđđehusa ambišuvdna lea nannet gulahallama Sámedikkiin. Stivra gávnnadii maiddái virgeolbmuguin iežá departemeanttain geat maiddái barget sámeáššiiguin Ráđđehushálddahusas.
Ovdánahttindarbbut
Stivrra deháleamos ášši leai budjeahttagáibádus jagiid 2011-2013 várás ja ságastallan leai ovdánahttindárbbuid birra boahttevaš golbma jagi Sámedikki budjeahttavuođustus vuođđun ságastallamii. Doaivu lea ahte bálkádit guokte politihkalaš čálli nannendihte politihkalaš oasi.
- Ii leat govttolaš ahte gávdno dušše okta ollesáigái bálkáduvvon politihkkar go Sámedikki ovddasvástádussuorggit leat šaddan garrasit maŋemus jagiid, čilge stivrra ságadoalli Sara Larsson. Lea dárbbašlaš nannet Sámedikki politihkalaš rolla beaivválaš barggus.
Bearrráigeahčču politihkalaš doaimmas
- Mii háledit dahkat bearráigeahču politihkalaš doaimmas, joatká Sara Larsson. Guorahallan galgá geavahuvvot vuođđun politihkalaš doaimma nannenbarggus.
Iežá sávaldagat budjeahttagáibádusas lea ahte ásahit njealját dievasčoahkkima, ásahit juogusorganisašuvnna Sámedikkis ja nannet juolludemiid iežamet politihkalaš guorahallamiidda.
Ođđa sámepolithka evttohus
Sara Larsson dieđihii ahte Sámedikki dievasčoahkkin easka lea nammadan lávdegotti gávcciin lahtuin geat galget mannat čađa ovdalaš evttohusaid ja guorahallamiid ja buktit ovdan evttohusa ođđa sámepolitihka várás. Nu got diehtit gesii ráđđehus ruovttoluotta plánejuvvon proposišuvnna sámepolitihka birra maŋŋel garra moaitámušaid sámi servodagas. Magnus Kindbom deattuhii ahte ráđđehus háleda oažžut sisa konkrehtalaš oainnuid evttohusaide mat dán rádjái leat ovdanbuktojuvvon.
Buorre čoahkkin
- Leai buorre čoahkkin ja buorre vuohki dáinnalágiin beassat čilget iežamet boahtteáiggi plánaid birra. Earenoamáš dehálaš leai ahte beassat gávnnadit ovddasteddjiiguin sierralágán departemeanttain.
Oktavuohta
Sara Larsson, 070-378 88 24