Sámedikki nuoraidráđđi
Sámediggi lea ásahan nuoraidráđi lokten dihte nuoraid vejolašvuođa váikkuhit sámepolitihka.
Nuoraidráđđi
Nuoraidráđis leat vihtta lahtu ja sis lea guđesge várrelahttu. Sámediggi nammada golbma lahtu ja Sáminuorra guokte. Ahki lea 14-30 jagi. Lahtuid mandáhttaáigi lea guokte jagi.
Nuoraidráđi ságadoalli 2014-2016 lea Oscar Sedholm, Umeå.
Iežá lahtut maid Sámediggi lea nammadan leaba Johanna Njaita ja Tua Rydberg.
Lahtut maid Sáminuorra lea nammadan leaba Maria Teresia Stenman Nutti ja Helena Partapuoli.
Oktavuođadieđut: Jus háledat váldit oktavuođa nuoraidráđiin de sáhtát sáddet e-boastta: sur(at)sametinget.se
Doaibmaplána
Nuoraidráđđi bargá nuoraidpolitihkalaš doaibmaplána mielde. Geahča fiilla olgešbealde. Vuoruhuvvon suorggit, nugohčoduvvon fokusčuoggát mat min mielas leat erenoamáš deaŧalaččat nuoraide juste dál leat:
- Mánáid ja nuoraid vuoigatvuohta iežaset gillii
- Oččodit válddi váikkuhit eanasisabáhkkemiidda ja bissehit daid
- Oččodit eanet nuoraid jienastit ja beroštit politihkas
Ovttasbargu
Norgga beale gávdno sullasaš orgána: Sámedikki nuoraidpolitihkalaš lávdegoddi, SNPL. Nuoraidáššit leat vuoruhuvvon maiddái ovttasbargoorgánas Sámi Parlamentáralaš Ráđis, SPR:s. SPR mearridii 2011:s vuođđudit oktasaš nuoraidráđi, SPR-N mas leat 1-2 Suoma, Norgga ja Ruoŧa beale lahtu. Ruoŧa bealde leaba Josefina Skerk ja Lovisa Lind lahttun ja Nils-Olof Parfa ja Maria Teresia Stenman leaba várrelahttun.
