Rievdadusat 2011 rájis
Riikkabeaivi lea dal loahpalaččat mearridan dahkat rievdadusaid ráđđehushámis, prentenfriddjavuođanjuolggadusas, sátnefriddjavuođavuođđolágas ja riikkabeaiortnegis. Rievdadusat vuođđolágas, válgalágas ja gielddalágas leat fámus 1 b.ođđajágemánu rájis 2011. Čieža gávcci bellodagain doarjjui evttohusa.

Sámit - okta álbmot
Ruoŧa riikkabeaivi lea dal dohkkehan sámiid álbmogin vuođđolágas. Ruoŧŧa lea dasto dohkkehan ahte sámit leat sihke álbmot, eamiálbmot ja unnitlohku.

Ove Bring, professor álbmotrievttis, čilge ahte dát čállin vuođđolágas mielddisbuktá stuora juridihkalaš mearkkašumi. Son čilge maiddái ahte teorehtalaččat álbmogis lea stuorit vuoigatvuohta iešmearrideapmái go unnitloguálbmogis ja ahte álbmogis lea nannosit sajádat go eamiálbmogis. Eamiálbmogis ii leat seammá stuora riekti iešstivrejupmái go álbmogis.
- Álbmogis leat politihkalaš vuoigatvuođat seammás go eamiálbmogis leat kultuvrralaš vuoigatvuođat, dadjá Ove Bring.

- Sámediggi vuordá dal ahte Ruoŧa ráđđehus deavdá vuođđoláhkarievdadusa duođalaš sisdoaluin ja ahte vuođđoláhka ovttastuvvo láhkaásahemiin mii guoská sámi álbmoga dilálašvuođaide. Dal gávdnojit materiálalaš eavttut hábmet sámi iešmearrideami visot áššiin mat gusket sámiide, dadjá Ingrid Inga.



Oktavuohta
Ingrid Inga, Sámedikki stivraságadoalli
tel. 070-773 7762