Romaid gaskariikkalaš beaivvi 8 b.cuoŋománus.
Feastadoalut
Stockholmmas boahtá integrašuvdnaministar Erik Ullenhag doallat sága seremoniijas Kungsträdgårdenis. Stockholmma leanastivra levgi romaid leavgga. Julevis leat doalut Kulturviesus. Ruoŧa Duortnusleagilaččaid Riikkasearvi ja Sámediggi leat guossin ja Ruoŧa demokratiijaambassadeavra Maria Leissner vihaha eahkeda.
40-jagi ávvudeapmi
Náššunalbeaivi ávvuduvvo muiton vuosttaš gaskariikkalaš romalaš kongreassas mii dollojuvvui 8 b.cuoŋománus 1971 Londonis. Dalle mearriduvvui o.m.d. oktasaš romalaš leavgga ja oktasaš náššunallávlla Gelem gelem (mearkkaša "Mon vájaldan"). Dát lea beaivi mii ávvuduvvo sullii njealljelot riikkain kulturdoaluiguin, levgemiin, gintalcahkkehemiin, muitoseremoniijaiguin j.n.a. Dán jagi lea earenoamáš fuomášupmi máŋggain báikkiin go lea dasalassin 40-jagi ávvudeapmi.
Leavga
Romalaš leavggas lea rukses skearru alit ja ruoná ivnniid vuoste. Rukses skearru mearkkaša vánddardeapmi Indias ja romaid ovdáneapmi. Alit ivdni mearkkaša dáivvas (silolaš árvvut) ja ruoná ivdni mearkkaša eanan.
Vihtta joavkku
Romer har funnits i Sverige sedan 1500-talet. I Sverige bor cirka 50.000 romer som delas in i fem grupper: svenska romer, finska romer, resande, utomnordiska romer och nyanlända romer. Romernas språk kallas é romani chib, ibland även romanés eller bara romani. Sedan år 2000 är é romani chib ett av Sveriges nationella minoritetsspråk.
Romat leat gávdnon Ruoŧas 1500-logu rájis. Ruoŧas orrut sullii 50 000 roma mat leat juhkojuvvon vihtta jovkui: ruoŧelaš romat, suopmelaš romat, vájaldeaddjit, eahpedavviriikkalaš romat ja easkaboahtan romat. Romaid giella gohččoduvvo é romani chib, muhtomin maiddái romanés dehe dušše romani. Jagi 2000 rájis gullo é romani chib Ruoŧa náššuvnnalaš unnitlogugielaide.