Sámedikki hálddahus
Sámedikki váldohálddahus gávdno Gironis. Mis leat maiddái báikkálaš čállingottit Johkamohkis, Staares ja Deartnás.
Hálddahushoavda
Sámedikki hálddahusas dahje čállingottis leat sullii 50 stáhtalaš hálddahusbargi. Bajemus hálddahusbargi lea hálddahushoavda guhte doaimmaha Sámedikki stivrii mearrádusvuođuid ja bidjá doibmii stivrra mearrádusaid. Hálddahushoavda galgá fuolahit ahte doaibma dahkko beaktileamos lági mielde ja njuolggadusaid mielde.
Ossodagat
Hálddahushoavddas lea su vuollásaš bargoveahka. Hálddahus lea juhkkojuvvon golmmá ossodahkii::
- Ekonomiija- ja hálddahusossodat
- Giella-, kultur- ja Sámi Diehtojuohkinguovddáža (SDG) ossodat )
- Sámi ealáhuseallin-, biras- ja servodatossodat
Doaibma
Sámedikki doaimma vuollái gullet olu iešguđetlágán suorggit dego sámi ealáhusat, boazodoallu, meahcceealleáššit, báikegottiid ovdánahttin, servodatplánen, biras ja dálkkádat, oahpahus ja dutkan, sámi kulturovdanbuktimiid ja árbemáhtu ovdánahttin, kulturárbeáššit, girjjálašvuohta, giellarávven, giellaealáskahttin, metodaovddideapmi, rájiidrasttildeaddji sámi ovttasbargu, olmmošvuoigatvuođat, unnitloguáššit, riikkaidgaskasaš álgoálbmotáššit ja diehtojuohkin sámiid ja sámi diliid birra.
Min kantuvrrat:
Giron
Hálddahushoavda, ekonomiija ja kulturossodagaid ossodathoavddat, guovddášhálddahus, ekonomalaš hálddašandoaibma, kulturossodat, muhtun oassi ealáhusossodagas ja hálddahushoavdda bargit barget buohkat váldohálddahusas Gironis, lassin Interreg Sápmi oasseprográmma ja Báikegoddeprográmma áššegieđahalliide.
Johkamohkki
Báikkálaš čállingottis Johkamohkis barget julvsámi giellakonsuleanta, sámi girjerájuskonsuleanta ja guokte ealáhusáššegieđahalli. Okta Báikegoddeprográmma áššegieđahallin bargá maid Johkamohkis. Sin kantuvrrat leat Ájttemuseas gos maiddái Sámi girjerájus lea.
Deardná
Deartnás barget golbma virgeolbmo riikkarádjeáiddiiguin ja tjernobylbuhtadusaiguin. Oarjánsámi giellakonsuleanttas ja guovtti giellakonsuleanttas geat gullaba Sámi giellaguovddážii leat kantuvrrat Industrivägenis bussaguovddáža buohta.
Staare
Báikkálaš čállingottis Staares barget Báikegoddeprográmma bargojođiheaddji ja guokte prošeaktajođiheaddji, nubbi sudnos bargá Eallinbirasprográmmain ja nubbi ges statistihkkaprošeavttain. Doppe lea maiddái Sámi diehtojuohkinguovddáš (SIC Samiskt Informationscentrum) ja Sámi Giellaguovddáš, ja vel minoritet.se websiiddu doaimmaheaddji. Sámedikki kantuvrrat leat Sámiid Viesus/Gaaltijes (ovddeš tullkammarenviesus).