Guovvamánus 2004 dohkkehii Sámediggi ođđa doaibmaprográmma mii galgá čielggadit ambišuvdnadási ja politihkalaš dáhtu sámi giellapolitihka várás.

Ávžžuhandoaibmaráđđi
2007 lea ávžžuhandoaibmaráđđi nammaduvvon. Lahtut ráđis leat Per Jonas Parffa (Sámiid Oahpahusguovddáš), Mikael Vinka (Upmi universitehta), Monica Sandström (Sámeskuvlastivra), David Jonasson ja Britt Inger Tuorda (goappašagat válljeuvvon Sámediggestivrras).

Ávžžuhusdoaibmaráđđi galgá leahkit politihkalaš orgána áššedovdifunkšuvnnain gielladikšunáššiin. Sámedikki stivra ovddasvástida ávžžuhusdoaimma Sámedikki ovdii.

Dále leat moadde doaimma mainna ávžžuhusdoaibmaráđđi galgá bargat:
• jođihit ja dieđihit giellaávžžuhusdoaimma birra
• oassálastit servodatplánemis ja bearráigeahččat, evttohit bidjosiid ja álggahit doaimmaid nu ahte sámi gielladárbbut váldojuvvojit vuhtii
• dárkkistit giellaláhkaásaheami geavaheami
• bargat miellaguottuid rievdademiiguin
• fállat diehtojuohkima oassálastima birra gielalaš ođastuhttimis
• earenoamážit fuomášuhttit sámegielat váhnemiid
• bargat sámegielat ovdaskuvllaid ásaheami ovddas
• doarjut čađaheami giellamovttidahtti prográmmain
• jođihit ja ovddidit bidjosiid vuđolaš giellaoahpahussii sámegielahemiide
• ásahit giellaguovddážiid
• geahččalit oažžut johtui oahpahusa ja auktorisašuvnna dulkkain ja jorgaleaddjiin
• oažžut johtui sámi giellabirrasiid
• ovttasbargat gaskariikkalaččat
• buohtalastit doaimma eará sámi doaibmaprográmmaiguin ja vuhtiiváldit positiivvalaš váikkuhusaid dan barggus
• čielggadit álgagiid ja ásahit máŋggajagáš plána doaimma várás