Oanehisáiggedoarjja lohkat sámegiela
Sámedikkis lea ovddasvástádus juohkit oanehisáiggedoarjaga sutnje guhte čađaha oanehet alfabetiserema sámegielas. Oza unnimusat mánu ovdal go gurse álgá!
Doarjaga birra
Ulbmil doarjagiin lea ahte sámit geat eai leat ožžon vejolašvuođa oahppat lohkat ja čállit sámegiela ožžot dan vejolašvuođa.
- Doarjja lea vearu haga, 90,47 ruvnnu diimmus (2014).
- Doarjja ii rehkenastojuvvo vuođđun luopmobálkái iige ealáhahkii
- Doarjja lea dušše oanehis gurssiid várás. Gurse oažžu leat eanemusat 14 olles beaivvi dehe 112 diimmu. Sáhtát oažžut stáhtadoarjaga máŋgga gursii jahkásaččat, muhto doarjja gokčá eanemusat 30 beaivvi dehe 240 diimmu gursse jahkái oktiibuot.
- Sáhtát oažžut doarjaga govttolaš goluid ovddas, reaissuid, biepmu ja orruma ovddas (geahča Föreskrifter STFS 2008:1, 6 § och 7 §).
Gii sáhttá ohcat?
Son geas lea dehe lea leamaš sámegiella ruovttugiellan dehe geas juoppá váhnemis, áhkuin dehe ádjáin lea leamaš sámegiella ruovttugiellan dehe son gii lea mielde Sámedikki jienastuslogus.
Oahpahuslágideaddji
Sáhtát oažžut oanehisáiggedoarjaga jus oassálasttát:
- oanehisgursses álbmotallaskuvllas dahje oahpporieggás (láhkaásahus 1991:977 jelgii álbmotoahpaheami stáhtadoarjaga birra)
- oanehisgursses gieldda rávisolbmuidoahpahusas, dehe
- oanehisgursses Sámi oahpahusguovddážis.
Got ohcá doarjaga?
Viečča ohcanskovi dán siiddus ja deavdde dan. FUOM! Gurseduođaštus ja/dehe oahpahuslágideaddji gurseplána galgá čuovvut ohcamuša. Váldde oktavuođa min áššegieđahalliin jus leat jearaldagat.
Sádde ohcamuša: Sámediggi, Box 90, 981 22 GIRON.
Ohcanáiggit
Don fertet sáddet ohcamuša unnimusat (1) mánu ovdal go oahpahus álgá.
FUOM! Geassegurssiide (geasse-, suoidne- ja borgemánus) galgá ohcamuš ollen Sámediggái maŋemusat miessemánu 1 beaivvi.
Oahppoulbmil (galgá čilgejuvvot ohcamušas):
Ulbmil 1: Sámegielat
Ulbmil 2: Easkkaálgi
Ulbmil 3: Sámegielat, joatkka
Ulbmil 4: Easkkaálgi, joatkka
Loga eambbo oahppoulbmiliid birra.