Dievasčoahkkin Julevis 23-25 b. golggotmánus
Sámediggi doallá dievasčoahkkima Julevis
23-25 b.golggotmánus 2007 dollojuvvo dán jagi goalmmát čoahkkin Quality
hoteallas Julevis. Integrašuvdna-, nuoraid- ja dásseárvoministar Nyamko
Sabuni oassálasttá dievasčoahkkima rahpamis disdaga iđđesbeaivvi.
Maŋŋel álgaga lea almmolaš politihkalaš digaštallan go politihkkárat besset digaštallat friddja áššiid birra johtilis leavttus. Seminára sámi eahpedearvvašvuođa birra maid golggotmánočoahkkin galgá gieđahallat lea ON:a eamiálbmotjulggaštus ja dan váikkuhusat Ruoŧas.
Ministarguossástallan
Integrašuvdna-, ja dásseárvoministar Nyamko Sabuni galgá mánnodaga deaivvadit Sámediggestivrrain ja opposišuvdnabellodagaiguin. Disdaga dii. 8.30 ovdal dievasčoahkkima almmolaš rahpama galgá ministar Sabuni doallat oanehis sága Sámedikki politihkkáriidda ja eará olbmoide.
Almmolaš politihkalaš digaštallan
Vissa áigi almmolaš politihkalaš digaštallamii geahččaluvvoi vuosttaš geardde ovddit dievasčoahkkimis Storhognas. Dat menestuvai bures ja seammálágán digaštallan dollojuvvo maiddái Julevis. Digaštallan dollojuvvo dii. 10.30-12.00 disdaga.
- Digaštallannjuolggadusat reglerejit sáhkavuoru ja sáhkaáiggi dan dihte ahte nu ollusat go vejolaš besset ságastit ja ahte digaštallan šaddá miellagiddevaš guldalit, dadjá Sylvia Simma, Sámedikki ságadoalli.
Jearahallanbodda
Dievasčoahkkin gieđahallá Sámedikki rámabudjeahta disdaga dii. 16.00 ja dalle gávdno vejolašvuohta olbmoide jearahallat politihkkáriid.
Sámi dearvvašmeahttunvuohta
Eahkesbeaivvi gaskavahku 24 b.golggotmánus dii. 13.00-18.00 dollojuvvo seminára bajilčállagiin ”Makkár lea sámi álbmotdearvvašvuohta?”. Logaldallit leat professor Per Sjölander (orjješ Lapplándda dutkanossodat Vualtjeres), professor Lars Jakobsson (Upmi Universitehta) ja Hugh Beach (Upmi Universitehta). Ruth Persen sámi gelbbolašvuođaguovddážis Gárášjogas muitala psykalaš dearvvašvuođabarggu birra sámiid gaskkas Norggas.
Eamiálbmotjulggaštusa váikkuhusat
Eamiálbmotjulggaštus dohkkehuvvoi hirbmat stuora eanetloguin ON:a váldočoahkkimis 13 b.čakčamánus 2007. Julggaštus cealká ahte eamiálbmogiin lea rádjekeahtes vuoigatvuohta iešmearrideapmái. Dat mearkkaša ahte sámi álbmogis lea vuoigatvuohta ieš mearridit iežas ruđalaš, sosiálalaš ja kultuvrralaš ovdáneami birra. Dat sisdoallá maiddái progressiivvalaš čállimiid go guoska eamiálbmogiid riekti oamastit, geavahit ja hálddašit eatnama, territoria ja luonddonávccaid. Julggaštus geatnegahttá davviriikkalaš stáhtaid dovddastit sámiid oamasteaddjin árbevirolaš eatnamiin. Dat mearkkaša ahte ruoŧa stáhta ii šat sáhte čuoččuhit ahte sámiid eatnamat gullojit stáhtii. Leat moadde ovdamearkkat julggaštusa sisdoalu birra go guoská sámiid sajádahkii Davviriikkain.
Dal ferte Sámedikki dievasčoahkkin mearridit mainnalágiin galgá dovddosin ja duohtandahkat julggaštusa ovttasbarggus ruoŧa, suoma, norgga ja ruošša olbmoiguin ja ráđđehusaiguin.
– Lea vuoitu midjiide sámiide ja gait eará eamiálbmogiidda máilmmis ahte eamiálbmotjulggaštus dohkkehuvvoi maŋŋel 25 jagáš barggu. Julggaštus nanne ahte eamiálbmogiin leat vuoigatvuođat maid eará olbmot guhká leat oaidnan diehttelažžan, loahpaha Sámedikki ságadoalli Sylvia Simma.
Dievas prográmma, áššelistu ja áššebáhpirat: http: www.sametinget.se/1053
Oktavuohta
Sylvia Simma, Sámedikki ságadoalli,
070-288 32 24
Ministarguossástallan
Integrašuvdna-, ja dásseárvoministar Nyamko Sabuni galgá mánnodaga deaivvadit Sámediggestivrrain ja opposišuvdnabellodagaiguin. Disdaga dii. 8.30 ovdal dievasčoahkkima almmolaš rahpama galgá ministar Sabuni doallat oanehis sága Sámedikki politihkkáriidda ja eará olbmoide.
Almmolaš politihkalaš digaštallan
Vissa áigi almmolaš politihkalaš digaštallamii geahččaluvvoi vuosttaš geardde ovddit dievasčoahkkimis Storhognas. Dat menestuvai bures ja seammálágán digaštallan dollojuvvo maiddái Julevis. Digaštallan dollojuvvo dii. 10.30-12.00 disdaga.
- Digaštallannjuolggadusat reglerejit sáhkavuoru ja sáhkaáiggi dan dihte ahte nu ollusat go vejolaš besset ságastit ja ahte digaštallan šaddá miellagiddevaš guldalit, dadjá Sylvia Simma, Sámedikki ságadoalli.
Jearahallanbodda
Dievasčoahkkin gieđahallá Sámedikki rámabudjeahta disdaga dii. 16.00 ja dalle gávdno vejolašvuohta olbmoide jearahallat politihkkáriid.
Sámi dearvvašmeahttunvuohta
Eahkesbeaivvi gaskavahku 24 b.golggotmánus dii. 13.00-18.00 dollojuvvo seminára bajilčállagiin ”Makkár lea sámi álbmotdearvvašvuohta?”. Logaldallit leat professor Per Sjölander (orjješ Lapplándda dutkanossodat Vualtjeres), professor Lars Jakobsson (Upmi Universitehta) ja Hugh Beach (Upmi Universitehta). Ruth Persen sámi gelbbolašvuođaguovddážis Gárášjogas muitala psykalaš dearvvašvuođabarggu birra sámiid gaskkas Norggas.
Eamiálbmotjulggaštusa váikkuhusat
Eamiálbmotjulggaštus dohkkehuvvoi hirbmat stuora eanetloguin ON:a váldočoahkkimis 13 b.čakčamánus 2007. Julggaštus cealká ahte eamiálbmogiin lea rádjekeahtes vuoigatvuohta iešmearrideapmái. Dat mearkkaša ahte sámi álbmogis lea vuoigatvuohta ieš mearridit iežas ruđalaš, sosiálalaš ja kultuvrralaš ovdáneami birra. Dat sisdoallá maiddái progressiivvalaš čállimiid go guoska eamiálbmogiid riekti oamastit, geavahit ja hálddašit eatnama, territoria ja luonddonávccaid. Julggaštus geatnegahttá davviriikkalaš stáhtaid dovddastit sámiid oamasteaddjin árbevirolaš eatnamiin. Dat mearkkaša ahte ruoŧa stáhta ii šat sáhte čuoččuhit ahte sámiid eatnamat gullojit stáhtii. Leat moadde ovdamearkkat julggaštusa sisdoalu birra go guoská sámiid sajádahkii Davviriikkain.
Dal ferte Sámedikki dievasčoahkkin mearridit mainnalágiin galgá dovddosin ja duohtandahkat julggaštusa ovttasbarggus ruoŧa, suoma, norgga ja ruošša olbmoiguin ja ráđđehusaiguin.
– Lea vuoitu midjiide sámiide ja gait eará eamiálbmogiidda máilmmis ahte eamiálbmotjulggaštus dohkkehuvvoi maŋŋel 25 jagáš barggu. Julggaštus nanne ahte eamiálbmogiin leat vuoigatvuođat maid eará olbmot guhká leat oaidnan diehttelažžan, loahpaha Sámedikki ságadoalli Sylvia Simma.
Dievas prográmma, áššelistu ja áššebáhpirat: http: www.sametinget.se/1053
Oktavuohta
Sylvia Simma, Sámedikki ságadoalli,
070-288 32 24
