Fitnodatstruktuvra
Ruoŧas jođihuvvo boazodoallu sullii 900 boazodoallofitnodagain. Boazodollui gullet sarvvabivdu ja guolásteapmi.
Boazodoallu jođihuvvo dávjá kombinšuvnnas iežá ealáhusaiguin dego dujiin ja turismmain. Jus birgejumi ollát galgá oažžut boazodoalus, de berre fitnodagas leahkit 500-600 bohcco. Gávdnojit sullii 900 boazodoallofitnodaga. Dábálaš árvvoštallan lea ahte 2 500 olbmo ollát dahje muhtin muddui ellet boazodoalus. Gávdnojit sullii 4 600 boazoeaiggáda, 85 proseantta dáin gávdnojit Norrbottena leanas. Boazodoallofitnodat hoaitá dábálaččat bohccuid máŋggaide boazoeaiggádiidda. Ovtta čearus gávdnojit máŋga boazodoallofitnodaga.
Ealáhus mas leat eanas dievddut
2005 loguid mielde eaiggáduvvojit 77 proseantta riikka bohccuin dievdduin. Fitnodagain main leat eanet go 400 bohcco eaiggádit dievddut 93 proseantta ealus. Stuorimus sisaboahtu boahtá bohccobierggu vuovdimis. Stuorimus golut leat mášiinnat ja mohtorboaldámuš.
Geavaheapmi
Ruoŧŧelaččat meroštallojuvvojit gaskamearalaččat borrat 0,2 gilo bohccobierggu jagis veardidállojuvvon 15 gilo gusabiergguin. Gávppiin vuvdojuvvo 250 tonna bohccobiergu mas 200 tonna vuvdo cáhppon biergun.