Guhtta vuoruhuvvon suorggit
Sámedikki kulturráđđi lea doaibmajagiin 2007-2009 mearridan guhtta ulbmila mat leat rámat ja dáhttu makkárlágán prošeavttaid ja doaimmaid kulturráđđi áigu vuoruhit ruhtajuolludeamis:

• ovddidit sámi giellaovdáneami
• lassánan dásseárvu sámi servodagas
• sámi mánáid- ja nuoraiddoaibma
• ovddidit sámi fitnodateallima
• ovddidit ođđamállet sámi kulturdoaimmaid
• doaibma mii olle ollu olbmoide ja ovddida ovttasdoaimma

Sámedikki doaibmaprográmma
Dáid ulbmiliid bakte háleda kulturráđđi buohtalastit Sámedikki doaibmaprográmma ”Sámedikki dásseárvoprográmma” (2004), ”Offensiivvalaš sámi giellapolitihka álgga”, (2004), ”Nuoraidpolitihkalaš doaibmaprográmma (2007) ja ”Ealáhuspolitihkalaš strategiija” (2006).

Giella
Sámi giellaovdáneamis lea kulturráđi vuolginčuoggá gielladoaibmaplána mearrádus ahte visot sámiin lea vuoigatvuohta iežas gillii; sámegiella eatnigiellan dehe sámegiella nubbegiellan. Doaibmajagis 2007 vuoruha kulturráđđi prošeavttaid ja doaimmaid mat nannejit ja ovddidit sámi giellageavaheami.

Dásseárvu Sámedikki dásseárvoprográmma mielde háleda kulturráđđi systemáhtalaččat bargat lassánan dásseárvvu ovddas sámeservodagas.

Mánát ja nuorat
Kulturráđđi háleda nannet sámi mánáid ja nuoraid mielmearrideami ja aktiivvalaš oassálastima servodateallimis ja vuoruha dakkáraš doaimmaid.

Sámi fitnodateallin
Kulturráđđi áigu doarjut sámi fitnodateallima ovdáneami Sámedikki ealáhuspolitihkalaš strategiija mielde.