Goluide maid oaččut go álggahat ja jođihat prošeavttaid mat ovddidit báikegotti ja ruona ealáhusaid sáhtát ohcat prošeaktadoarjaga.

Ulbmil doarjagiin
Ollislaš ulbmil lea ovddidit eanet máŋggabealalašvuođa báikegotti fitnodateallimis ja loktet eallinkvaliteahta. Ovdamearkkat prošeavttain leat čađahit ovdabargguid, fierpmádagaid ráhkadit dahje ovttasdoaibmančovdosiid ráhkadit.

Gii sáhttá oažžut prošeaktadoarjaga?
Okta dahje máŋga fitnodaga, organisašuvnnat, searvvit, gielddat ja eiseválddit sáhttet prošeaktadoarjaga ohcat. Boađus galgá leahkit buorrin eanet go ovtta oassebeallái ja veahkehit báikegoddeprográmma ulbmiliid joksat. Jus galggat sáhttit doarjaga oažžut, de dus ferte leahkit prošeaktaplána.

Masa sáhtát doarjaga oažžut?
Suorggit prošeaktadoarjagii leat viiddiduvvon ja ođđa joavkkut sáhttet doarjaga ohcat. Sáhtát doarjaga oažžut muhtin osiide doarjjavuoigadahtton goluide. Doarjjadássi sáhttá varieret ja njuolggadusat eai leat vel dohkkehuvvon. Suorggit gokčet sierralágán áššiid:

• diversifieren fitnodagain
• turisma
• bálvalus
• gilleovdáneapmi
• luonddu- ja kulturárbi
• ovttasbargu ja ovdáneapmi ruona sektoris
• plánen infraráhkadusas

Ná ozat
Ohcanskovit ja eanet dieđut prošeaktadoarjaga birra gávdnojit sihke Sámedikki ja Eanandoallodoaimmahaga ruovttusiidduin. Sáhttá leahkit ovdamunni doarjaga ohcat ovdal go álggaha ovtta doaimma. Easka maŋŋel go ohcamuš lea sáddejuvvon Sámediggái ja duođaštuvvon, sáhttet golut doaimma ovddas rehkenastojuvvot vuođđun doarjagii muhto eai leat dáhkádusat ahte ohcamuš dohkkehuvvo. Ohcamuš dahkkojuvvo guovtti lávkkis. Álggos ohcá doarjaga ja go lea čađahan olles dahje osiid doaimmas, de ohcá máksámuša doarjagis. Skovit Dieđihančálus
Dieđihančállosis ”Fitnodatdoarjagat ja prošeaktadoarjagat” man sáhtát viežžat dahje diŋgot Sámedikkis, sáhtát lohkat eanet vejolašvuođaid birra doarjaga ohcat jurdagiidda ja ovdánahttinprošeavttaide.

Skovit
Skovit ohcamuššii ja prošeaktadoarjaga máksámuššii gávnnat olgešspálttas. Dal gávdnojit skovit maiddái word-hámis nu ahte sáhtát seastit daid ja bargat dainguin viidáseappot. Jus dárbbahat eanet dokumeanttaid ollašuhttindihte iežat ohcamuša, de gávnnat dain Eanadoallodoaimmahaga ruovttusiiddus - geahčá liŋkka vuolemusas olgešspálttas.

Dieđihančálus
Dieđahančállosis "Företagsstöd och projektstöd" sáhtát lohkat eanet makkár vejolašvuođat gávdnojit ohcat doarjaga ovdánahttinprošeavttaid várás. Rávve dieđihančállosa Sámedikkis dehe ledde vulos dan dán siiddus.