Luonddu- ja kulturbiras
Luonddu- ja kultuvrabiras ohcamuš ja olggosmáksin galgá leat boahtan Sámediggái gaskal 5 b.govvamánus ja 15 b.njukčamánus 2013.
Ulbmil birasbuhtadusaiguin lea seailluhit kulturhistorjjálaš árvvolaš birrasiid boazodoalloguovllus ja seailluhit guovlluid alla luonddu- ja kulturárvvuiguin guovlluin gos lea boazodoallu. Sáhtát oažžut buhtadusa hoaidit eanadatelemeanttaid boazogárddiid ja boazoáiddiid.
Viđajahkásaš doaibma
Birasbuhtadus luonddu- ja kulturbirrasiid ovddas boazodoalloguovllus máksojuvvo juohke jagi viđajahkásaš doaibmaáigodagas. Fertet ohcat sihke máŋggajahkásašdoaimma ja máksámuša. Ohcamušat máksámušas dahkkojuvvojit juohke jagi ja sáddejuvvojit Sámediggái. Spiehkastat lea jus dus lea ovdal čatnašupmi Leanastivrras, de galggat ohcat máksámuša iežat leanastivrras.
Buhtadus
Buhtadus maid sáhtát oažžut lea:
• Dološ gárdi /dološ orohat - 6 300 ru hektáras
• Boazoáidi - 20 ru mehteris
• Mátkkit - 640 ru objeavttas jus gaska lea 0-75 gm, 1 275 ru objeavttas jus gaska lea 75 gm dahje guhkit du orohagas gos leat čálihuvvon. Mátkebuhtadusa sáhttá oažžut eanemusat vihtta objeavtta ovddas.
Gii sáhttá buhtadusa oažžut?
Čearut, sámi organisašuvdna molssaevttolaččat ovttaskas hálddašeaddji gii lea dohkkehuvvon doarjjaeiseválddis ja gii geavaha árvvolaš luonddu- ja kulturbirrasiid. Guoskevaš čearru oažžu buktit ovdan oaidnu áššis.
Maŋemus ohcanbeaivi
16 b.njukčamánus 2012 galgá ohcamuš boahtan sisa Sámediggái. Oktanaga go sáddet sisa ohcamuša galggat bidjat mielde gova objeavttas ja soameslágán historjjálaš govvideami gii/geat leat geavahan ohccojuvvon dološ gárddiid dehe boazoáiddiid ja mainnalágiin dat leat geavahuvvon. Loga eanet bágadallamis.
Dieđihančálus ja skovit
Sáhtát leddet dieđihančállosa ja ohcamušskoviid olggešspálttas. Sáhtát maiddái diŋgut dieđihančállosa luonddu- ja kulturbirrasiid birra boazodoalloguovllus jus riŋget Sámediggái, tel. 0980-780 30.
Mátkebuhtadus
Geahpidandihte gieđahallama mii bivdit du dieđihit man guhkes gaska lea orohaga gos leat čálihuvvon ja hoaidinobjeavtta gaskkas G. Övriga upplysningar vuolde skovis.
Jus dus juo lea čatnašupmi
Jus dus juo lea máŋggajahkásaš čatnašupmi, de sáhtát jogo doalahit dan dehe ohcat ođđasa vástideaddji buhtadushámis. Jus don ozat ođđa máŋggajahkásaš čatnašumi, de boahtá du ovdalaš čatnašupmi heaittihuvvot.
Gaskaeavttut
Fertet čuovvut nu gohčoduvvon gaskaeavttuid oažžundihte dievas máksámuša birasbuhtadusain. Ruoŧa láhkaásaheapmi lea vuođđun gaskaeavttuide. Eanet dieđut gaskaeavttuid birra gávdnojit Eanandoallodoaimmahaga ruovttusiiddus.
