Biras
Ekologalaš bistevašvuohta ja luondduriggodagaid seastin lea guovddáš sámi kultuvrra ovdáneamis ja seailluheamis. Ekologalaš ja ekonomlaš bistevaš sámi ealáhusat lea buoremus dáhkádus duottar- ja vuovdeguovlluid alla biras- ja kulturárvvuid seailluheapmái. Guoskameahttun luondu ja geavaheapmi ođasmuvvi luondduriggodagain leat dehálaš vuođđun sámi ealáhusaide. Ealáhusaide lea dehálaš ahte luondu ii billistuvvo.
Boazoealáhus
Boazoealáhusa beroštumit leat dávjá dat seamme dego birasgáhttema. Birasláhka (miljöbalken) 3:5 dadjá:
• Guovllut mat leat riikkaberoštahttit boazoealáhussii galget suodjaluvvot.
• Eanan- ja čáhceguovllut galget nu guhkás go lea vejolaš suodjaluvvot doaibmabidjosiid vuoste mat mearkkašahtti sáhttet ealáhusaid jođiheami váddudit.
Boazoealáhusa deháleamos guovlluin lea riikkaberoštahtti árvu luondduriggodatlágas. Ovdamearkkat dakkár báikkiin leat čohkkenbáikkit ja váttis rastenbáikkit johtingeainnuin.