Australia dilálašvuohta eamiálbmogii rievdá
"For the pain, suffering and hurt of these Stolen Generations, their descendants and for their families left behind, we say sorry, To the mothers and fathers, the brothers and sisters, for the breaking up of families and communities, we say sorry. And for the indignity and degradation thus inflicted on a proud people and a proud culture, we say sorry."
Mánát mat dolvojuvvojedje eret váhnemiin ja bajásšadde internáhttaskuvllain gohččoduvvojit Australias “suoladuvvon buolva”. Rudd oaidná dán ándagasátnuma vuosttaš lávkin oanidit gaskka gaskal vilges olbmuid ja eamiálbmoga go guoská vurdojuvvon eallinahkái, oahpahusdássái ja ruđalaš vejolašvuođaide.
Ovttastupmi mii doarju Rudd ja su bellodaga dorjot maiddái ándagasátnuma muhto šállošit go ii leat leamaš eanet áigi ságastit dajaldagaid birra. Ruona bellodat háleda dasa bidjat lasáhusa ja maiddái buhtadusa veahkaváldima ovddas.
42:i parlameanta vihaheamis mii ikte dáhpahuvai (disdat) leai vuosttaš geardde go parlameantalahtut váldojuvvojedje vuoste aborigiinna “buresboahtin-riikkii-seremoniain”dánssain ja didgeridoo musihkkaneavvuin.
- Das lea alla symbolaárvu mii addá doaivaga ovttasstahttojuvvon náššuvnnain soabadeami bakte, lohká aborigiinnajođiheaddji Matilda House sártnistis parlamentii.
Sámedikki stivraságadoalli Lars Anders Baer váldá bures vuoste ođđa australialaš ráđđehusa politihkalaš rievdadeami.
- Lea sihke buresboahtin ja dárbbašlaš. Ándagasátnun lea lávki njuolga guvlui ja lea áibbas dárbbašlaš jus soabadanproseassa gaskal vilges eanetlogu ja eamiolbmuid galgá oažžut duođalaš sisdoalu.
- Dal lea jearaldat gean riikka vuorru dal leat, jurddaša Lars Anders Baer.
Oktavuohta
Lars Anders Baer, mobil 070-316 20 56