- Viimmat! Mon lean hui ilus danin go dát addái midjiide vejolašvuođaid bargat konkrehtalaččat ovdal boahtte jagáš válgga oažžundihte eanet nissoniid evttohassan Sámediggái. Mii leat guhká juo cuiggodan ahte sámediggebellodagat, juste seammáláje go ruoŧa riikkabeaivvis, dárbbašit earenoamáš ruđalaš doarjaga dásseárvobargui. Dal lea dat vejolašvuohta rahpasan.

Ulbmil dáinna bargogohččosin lea ahte doarjut dan dásseárvobarggu maid Sámediggi lea álggahan. Sámedikki ulbmil lea ahte mearrideaddji searvegottis galgá leahkit dássálaš sohkabealjuohkin maŋŋel válgga 2013. 31 lahtu ovddastit sierralágán sámi bellodagaid ja nammaduvvojit jienastanvuoiggaduvvon sámiin almmolaš válggain.

- Lea dehálaš ahte ráđđehusa dásseárvodoaimmat maiddái bohtet sámiide ja sámi nissoniidda buorrin, lohká dásseárvoministar Nyamko Sabuni gii ovddasvástida unnitloguáššiid.

Sara Larsson čilge ahte dal lea sámediggebellodagain vejolašvuohta oažžut sierra ruđaid dásseárvobargui.
- Visot dálá politihkkárat oktan dievdduiguin fertejit oažžut ipmárdusa manin lea nu dehálaš ja got galgá oažžut nissoniid doaibmagoahtit bellodagain.

Sámedikkis lea dal vejolašvuohta lágidit stuorit diehtojuohkinsemináraid dán jagi.
- Mon jáhkán ahte gait deháleamos dáin seminárain lea ahte váldit vuhtii dáid nissoniid geat leat jurddašan jurdaga doaibmagoahtit Sámedikkis. Deaivvadit earáiguin geat leat seammá dilis ja nissoniiguin leat juo leat politihkkárat stuorida vejolašvuođa ahte sii duođas álget evttohassan Sámediggái, loahpaha Sara Larsson.

Oktavuohta
Sara Larsson, Sámediggestivra, mobil 070-378 88 24