INTERREG lea sierra EO-prográmma mii ásahuvvui 1990 EO-kommišuvdnas. Ulbmil lea ovddidit ovttasbarggu rastá riikkarájiid nu ahte rájit eai šattá eastagin ovdáneapmái ja integrašuvdnii Eurohpas. Jagis 2007 rájis lea okta áidna Interreg-prográmma, INTERREG VI A Davvi.

Prográmmaulbmil
Oppalaš ulbmil prográmma ovttasbargui lea lasihit guovllu doaimmalašvuođa ja fámu fitnodateallinovttasbarggu ja infrastruktuvrabarggu bakte ja maid sierranasgelbbolašvuođaid ovddideami ja identitehtahábmendoaimmaid bakte. Sámi prográmma dáfus lea earenoamážit ahte sihkarastit earuhuvvon ja ovddiduvvon sámi servodateallima vuođđuduvvon sámi kultuvrras, sámi ealáhusain, árbevieruin, sámi oaidninvuogis ja sámegielas.

Interreg IV A Davvi Sápmi
Prográmmaáigodagas 2007-2013 lea ođđa oktiičadnojuvvon oasseprográmma olles sámi guovlui gustovaš. Ođđa oasseprográmma gullo Interreg IV A Davvii ja gohčoduvvo Sápmin.

Ruhtadeapmi
Vuođđoprinsihppa Interregas lea ovttasruhtadeapmi. Earret EO-oassi galget ruđat maid boahtit eará náššuvnnalaš almmolaš ruhtadeddjiin. EO-oassi oažžu Sápmi oasseprográmmas leahkit eanemusat 65 % ollislaš budjeahtas. Náššuvnnalaš, almmolaš mielruhtadeapmin rehkenastojuvvojit ruđat stáhtalaš orgánain, gielddain ja eanadikkiin.