Prográmmaáigodat 2007-2013
Dát mearkkaša sámiide ahte Ulbmil 1 láhppu. Gávdnojit goit muhtun vejolašvuođat ohcat ruđaid Ulbmil 2 sámi prošeavttaide muhto dalle lea gilvu eará prošeaktafuolaheddjiiguin. Ulbmil 2 hálddašaneiseváldi lea NUTEK. Sámedikki gáibádus ovdalmearriduvvon ruđaid birra sámi fitnodateallinovdáneapmái ii leat vuhtiiváldojuvvon náššuvnnalaš dásis. Dát lea maŋosguvluimannu go buohtasta ovddit struktuvrafoandaáigodagain go mis ledje iežamet ruđat ja mearridanjoavkkut. Sámediggi lea dušše dáhkiduvvon saji nu gohčoduvvon struktuvrafoandasearvevuođas mii galgá vuoruhit prošeavttaid gaskkas.
Báikegoddeprográmma
Báikegoddeprográmma, mii goitge ii leat struktuvrafoandaprográmma, boahtá muhtin muddui Ulbmil 1-prográmma sadjái. Sámedikkis lea iežas čađahanstrategiija. Eanadoallodoaimmahat lea hálddašaneiseváldi ja Sámediggi lea doarjjaeiseváldi. Jus háledat eanet lohkat, deaddil liŋkai olgešspálttas.
Interreg
Interreg-prográmmat leat EO-oaidninčiegas leamaš hui menestuvvi. Rádjerasttildeaddji Interreg-prográmma mii guoská sámiide eallá viidáset ja gokčá vel stuorit guovllu. Maiddái Västerbotten gullo dal guovlui maid Interreg fátmmasta. Sámi guovlu lea oktiičadnojuvvon oasseprográmma man namma lea Interreg IV A Davvi Sápmi.