INTERREG IV A Davvi Sápmi
Oktavuohtainitiatiiva Interreg prográmmaáigodagas 2007-2013 namma lea INTERREG IV A Davvi. Sierra oasseprográmmain Sámi várás vuoruhuvvo rádjerasttildeaddji barggu.
Rájit eai galgga hehttet ovdáneami ja integrašuvnna Eurohpas. Oasseprográmmaguovlu Sápmi fátmmasta:
- Lappi, Davvi Nuortabađaeana ja Gaska Nuortabađaeana eanadagaid Suomas
- Nordlándda, Romssa, Finnmárkku, Davvi- ja mátta Tröndelága fylkkaid ja oasi Hedmárkku fylkagielddas (Elgå Boazodoalloorohat) NorggasNorrbottena, Västerbottena ja Jämtlándda leanaid ja oasi Dálarna leanas (Eajrá čearru)
- Unnimusat guokte ohcci
- Prošeavttas galgá leahkit rádjerasttildeaddji lasseárvu
- Ohcamuš galgá čuovvut prográmma sisdoalu (struktuvrafoandanjuolggadus, njuolggadusčoakkáldat)
- Prošeakta ii oačču botnjat gilvaleami - ferte čuovvut n.g. stáhtadoarjjanjuolggadusaid
- Prošeakta ferte leahkit olggobealde dábálaš doaimma – ferte gávdnot lasseárvu
- Prošeavttas ferte leahkit profiila go guoská sámegillii
- Mielruhtadeapmi galgá leahkit válmmas
Ruhtadeapmi
Vuođđoprinsihppa INTERREGas lea ovttasruhtadeapmi. Náššuvnnalaš almmolaš mielruhtadeapmái gullojit ruđat stáhtalaš orgánain, gielddain ja eanadikkiin.
Budjeahtta Interreg
Olles Interreg IVA Davvi rehkenastá ollislaš budjeahta mii lea 74 007 340 evro ja das leat 33 966 446 evro EO-ruđat ja 17 274 940 evro leat norgga ruhta.
Budjeahtta oasseprográmma Sápmi
Oasseprográmma Sápmi várás bidjojuvvo 4 349 845 evro EO-ruhtan. Dasa boahtá 2 342 224 evro náššuvnnalaš ruhtadeapmin. Mielruhtadeapmi lea 65 %. Norgga bidjá 3 649 636 evro prográmmii. Ollislaččat oktan Norggain lea juohkin 10 341 705 evro Interreg IVA Davvi Sápmi prográmmii olles áigodagas 2007-2013.
Loga eanet
Gávdno eanet diehtojuohkin Interreg-prográmma mihttomeriid ja ulbmiliid birra olgešspálttas. Skoviid gávnnat ruovttusiiddus: www.interregnord.com
