Sámefoanda
Sámefoanda lea foanda man ulbmil lea ovddidit ja doarjut boazodoalu, sámi kultuvrra ja sámi organisašuvnnaid.
Sámefoandda ruđaid hálddaša Kammarkollegiet mii lea stáhtalaš hálddašaneiseváldi. Foanddas lassána ruhta ee. daiguin sisabáhkkenbuhtadusaiguin mat máksojit eanan-, bivdo- ja guolástanlobiid ovddas mat juolluduvvojit leanastivrraid bakte.
Doarjja foanddas
Juohke jagi mearrida Sámefoandda stivra bajemus doarjjameari maid foanda sáhttá juolludit. Earenoamáš ulbmiliidda sáhttá stivra juolludit lassi doarjjaruđa.
Sierra stivra
Stivrras leat guhtta lahtu maid Ráđđehus nammada golmma jahkái, Sámedikki dievasčoahkkima evttohusa mielde. Ráđđehus nammada ságadoalli ja várreságadoalli Sámedikki evttohusa mielde.
Doarjja sámi kultuvrii
Sámidikki kulturráđđi ohcá ruđa Sámefoanddas sámi kultuvrra ovddideami várás ja sámi organisašuvnnaide. Sámefoanda juolluda ruđa kulturráđđái mii de ieš mearrida movt ruđa golaha.
Doarjja boazoealáhussii
Sámefoandda stivra mearrida doarjaga boazoealáhusa ovddideami ja suddjema várás. Ohcan boazodoalu doarjaga hárrái dahkko čálalaččat njuolga Sámefondii.
Boazodoalloláhkaásahusas (Rennäringsförordningen) sáhtát lohkat eambbo sámefoandda guoskevaš dieđuid birra (geahča njuolggoliŋka olgešbealde).
Čujuhus:
Samefonden
c/o Sametinget
Box 90
981 22 Kiruna