Sámi biepmut galget oidnot
Sámediggi oažžu miljonbeali fuomášuhttin dihte sámi biebmokultuvrra kulturoaivegávpotdoaluin.
Ráđđehus gohčču reglerenreivves Sámedikki čalmmustahttit sámi biepmu ja biebmokultuvrra 2014:s go Ubmeje lea kulturoaivegávpot. Miljonbeali kr galgá adnot dán doibmii. Ulbmil doaimmain lea sámi biepmu čalmmustahttima bokte nannet sámi biebmofitnodagaid ja mátkeealáhusfitnodagaid vejolašvuođaid olahit eambbo geavaheddjiid.