Sámi ovdaskuvladoaimmas ilá unnán ruhta
Sámedikki giellalávdegoddi lea surolaš go doaibma Skierri sámi ovdaskuvllas Jielleváris lea unniduvvon, ja go váilot sámegielat pedagogat. Giellalávdegotti ságadoalli lohká dán leat ovdamearkan dasa ahte ruhtadeapmi sámi oahpahussii ii leat heivehuvvon oahpahusdoaimma eareliiggánis dárbbuide.
Sámedikki giellalávdegoddi digaštalai maŋemus čoahkkimis Skierri ovdaskuvlla birra. Lávdegoddi váivahuvvá go dilli lea ná šaddan ja go váilu sámegielat pedagogalaš doaibma. Giellalávdegotti mielas lea deaŧalaš bealuštit sámi mánáid rievtti iežaset gillii.
Dát dilli mii dál lea šaddan rihkku unnitlogugiellalága áigumušaid. Dat ekonomalaš eavttut mat juolluduvvojit sámi ovdaskuvlla doibmii eai govčča dárbbuid mat gávdnojit sámi oahppodilálašvuođain.
- Dát lea dađibahábui ovdamearkan dasa ahte ruhtadeapmi sámi oahpahussii ii leat heivehuvvon min eavttuide, lohká Giellalávdegotti ságadoalli Josefina Skerk. Mis eai leat vejolašvuođat juogadit bargiid iežá ovdaskuvllaiguin, mánnájoavkkut ovdaskuvllain leat smávvát ja doaibma máksá eambbo. Jus Ruoŧŧa duođas dáhttu doarjut sámegiela ealáskahttima de dárbbahuvvojit eambbo ruđat, cuige Skerk.
Oktavuohta:
Josefina Skerk, Giellalávdegotti ságadoalli
070-582 21 21
