Našuvnnalaš unnitlogugielat leat eallán bálddalaga ruoŧagielain guhkit áiggiid. 1900-logus jođihii stáhta garra ruoŧaiduhttima, erenoamážit skuvlla bakte, ja našuvnnalaš unnitlogugielat masse árvvu ii ge daid mannan šat geavahit almmolaččat. Sámegiella šattai skuvlafágan easkka 1962 oahppoplánas ja de lei dušše 2 diimmu sámegieloahpahus vahkkui.

Jagi 2010 unnitlogureforbma addá gielddaide ja eiseválddiide ođđa vejolašvuođaid nannet sámi giellageavaheami ja ráđđádallat gieldda sámiiguin. Dál leat 19 sámegiel hálddašangieldda. Gielddat sáhttet ieža ohcat beassat hálddašangieldan. Sámedikki giellalávdegoddi dáhttu danne movttiidahttit gielddaid gos orrot sámit ahte árvvoštallat ohcat beassat sámegiela hálddašangieldan.

Giellalávdegotti ovddas

Josefina Lundgren Skerk, Ságadoalli
070-582 21 21
josefina.skerk@sametinget.se