Ođđa báikegodde-prográmma
Ruoŧa evttohus ođđa báikegoddeprográmmii 2014-2020 ovdanbuktojuvvui cuoŋománu 2 b. Dál galgá ráđđehusa evttohus EU-kommišuvdnii dohkkeheapmái. Oktiibuot lea prográmmas 36 miljárdda kr ja Ruoŧa mielruhtadeami oassi lea 59 %.
Earet ráđđehusmearrádusa, de gáibiduvvo našuvnnalaš láhkaásahus ja dihto EU-lágaid mearrádus. Loahpas ferte vel EU-kommišuvdna dohkkehit Ruoŧa evttohusa ovdalgo doarjjamearrádus sáhttá dahkkot.
Leanastivrrat, Sámediggi ja Eanandoallodoaimmahat jotket ráhkkananbargguin. Lea mearriduvvon áigeplána ja Sámediggi diehtá dál ahte:
- Investerendoarjaga sáhttá ohcagoahtit goasnu čakčamánu-golggotmánu áigodaga rájes 2014:s. Mearrádus gal ii sáhte dahkkot ovdalgo EU-kommišuvdna lea dohkkehan. Easkka maŋŋelgo doarjja lea juolluduvvon de lea vejolaš ohcat doarjaga máksojuvvot. Doarjja sáhttá duššefal addot našuvnnalaš válljeneavttuid mielde. Doarjja boahtá leat oaivvilduvvon dihtolágán investeremiidda.
- Álggahandoarjja boahtá johtui 2015 álggu rájes.
- Iežá prošeakta- ja fitnodatdoarjagat maid ráđđehus mearrida galget gullat báikegoddeprográmmii, šaddet ohcanláhkái gaskal 2015 geasi ja 2016 álggu.
- Juste dál eai leat dieđut sámi birasinvesteremiid birra.
