Ságastallanjoavkkuin hálidit mii váldit ovdan jearaldagaid mat guoskkahit válddi ja váikkuhanválddi visot dásiin Sámis; sihke ekonomalaš, politihkalaš, juridihkalaš ja sosiála dásis. Ovdamearkka dihte jearrat:

• Gos lea váldi min eallimiid badjel ja govt sáhttit mii váikkuhit dan?
• Govt galgat heaittihit norpmaid ja makkár norpmaid galgat heaittihit vai Sápmi ovdána sihke siskkáldasat ja olggosguvlui?
• Makkár joavkkut leat bajábealde dehe vuoittubealde, ja makkár dilálašvuođain?
• Gávdnojit go joavkkut mat vealahuvvojit? Gos ja goas?
• Maid sáhttit mii ovttaskas olmmožin muktit ja maid fertet ovttasbarggu bakte ovddidit? Gii guoddá ovddasvástádusa ?

Min oainnut ja min meannudeapmi dáin áššiin, váikkuha govt mii ovttas hábmet boahtteáiggi Sámi.

Makkár šaddá min Sápmi boahtteáiggis?

Ságastallanjoavkkut galget doaibmat dialogas Sámedikkiin. Dat váttisvuođat ja dárbbut maid joavkkut gávnnahit iežaset barggus váldojit fárrui Sámedikki boahttevaš dásseárvo- ja inkluderenbarggus.

Fierpmádagat, gursset ja bargobájit?
Ságastallanjoavkkut sáhttet ráhkadit fierpmádagaid, álggahit gurssiid dehe bargat iežá praktihkalaš doaimmaiguin mat ovddidit searvadahttima Sámi servodagas. Jagi 2014:s sáhttá Sámediggi veahkehit gurssiiguin dehe bargobájiiguin jus dat leat JiM-prošeavtta rámmaid siskkobealde.. Loga eambbo

Čalmmustahttinsuorgi
Ságastallanjoavkkut čálmmustahttet sohkabeliid vealaheami, muhto searvadahttinbarggus dáhttu Sámediggi maiddái loktet iežá láhkanannejuvvon surggiid vealaheami ektui; čearddalaš gullevašvuođa, doaimmashehttejumi, sohkabeali, sohkabealrasttildeaddji identitehta dehe ovdanbuktima, religiovnna dehe iežá oskkudovddasteami, seksuála miellaguottu dehe agi.

Resursaguovddáš
 Jurdda lea ahte ságastallanjoavkkut dađistaga šaddet resursaguovddážin mat galget doarjut iešguđet joavkkuid Sámis vai buohkat ožžot seamma vejolašvuođa váikkuhit iežaset eallima, ekonomalaččat, politihkalaččat ja sosiáladit. Ságastallanjoavkkut ja Resursaguovddážat galget rahpat vejolašvuođaid stuorát variašuvnnaide olbmuid sápmelaš eallimis ja doaimmas.

Hálidat go searvat?
Jus hálidat searvat jovkui de sáhtát váldit oktavuođa min prošeaktajođiheddjiin Sámedikkis, Adriana Aurelius: adriana.aurelius@sametinget.se

Atte dieđu hálidat go searvat seahkalas jovkui dehe jovkui mas leat dušše nissonolbmot dehe dušše dievdoolbmot, dehe jus hálidat leat mielde sihke seahkalas ja seagukeahtes joavkkus.