2007-2013 prográmmaáigodaga loahpaheapmi
2007-2013 prográmmaáigodat lea fargga nohkan ja lea áigi plánegoahtit buriid prošeaktaloahpahemiid.
Lea deaŧalaš muitit ja ráhkkanit čuovvovaš dáhtoniidda:
Geassemánu 30 b. 2014
Prošeavttaid maŋemus prošeaktaáigodatbeaivi.
Suoidnemánu 31 b. 2014
Maŋemus beaivi buktit loahppačilgehusa našuvnnalaš dárkkisteaddjái. Váldde oktavuođa hálddašaneiseválddiin jus dárbbašat maŋidit áigemeari buktit loahppačilgehusa, omd. jus luomuid geažil šaddá váttis geargat dán dáhtonii.
Golggotmánu 31 b. 2014
Maŋemus beaivi buktit loahppamávssu ohcamuša. Sáhtát hálddašaneiseválddis gáibidit maŋidit loahppamávssu ohcamuša jus našuvnnalaš dárkkisteddjiid loahppaduođaštus ii leat válmmas.
Muhtun rávvagat:
- Ráhkkan loahpahit prošeavtta buori áiggis ovdal áigemeari.
- Čálligoađe loahpparaportta buori áiggis ovdal áigemeari. Smiehtat mii lea mannan bures ja mii ii doaibman nu go ledjet jurddašan. Prošeavtta váldodoaimmat sáhttet bistit miessemánu 31 b. 2014 rádjái, prošeaktaáigodaga maŋemus mánnu lea jurddašuvvon loahpahandoaimmaid várás dego loahpparaportta čállimii.
- Ane muittus ahte visot golut galget leat mákson maŋemusat geassemánu 30 b. 2014 jus daid ovddas galgá oažžut doarjaga,.
- Sihkkarastte ahte originálaverifikašuvnnaid sáhttá vurkkodit borgemánu 31 b. 2020 rádjái.
Sihkkarastte ahte prošeavtta diehtojuohkin- ja almmuhangáibádusat leat devdojuvvon.
Váldde oktavuođa čállingotti áššegieđahalliin jus dus leat jearaldagat prošeaktaloahpaheami ektui.