Mii ohcat davvisámi giellakonsuleantta
Mii ohcat du guhte máhtát ovdanbuktit oaiviliid ja jurdagiid das govt davvisámegiela geavaheami ja dilálašvuođa sáhttá nannet servodagas.
Sámediggi galgá jođihit sámi giellabarggu. Giellakonsuleanta galgá iežas barggus nannet sámi giellageavaheami ja sámi gielladili servodagas. Sámedikkis gávdnojit dál julevsámi ja oarjelsámi giellakonsuleanttat ja giellakonsuleanttat Sámi giellaguovddážis.
Barggut
Du bargguide gullá ráđđeaddin ja diehtojuohkin, ja galggat leat áššedovdin sihke siskkáldasat ja olggosguvlui, ja ovttasbargat iežá gielladoaibmabeliiguin. Barggus soaittát maiddái šaddat jorgalit ja muđui galggat bargat sámi giellaáššiiguin Sámedikki ovddasvástádussuorggi siskkobealde. Bargun lea maiddái čohkket áššedieđuid, ja čállit čielggademiid, raporttaid j.su.
Mii ohcat du guhte máhtát ovdanbuktit oaiviliid ja jurdagiid das govt davvisámegiela geavaheami ja dilálašvuođa sáhttá nannet servodagas.
Oahppu ja bargohárjáneapmi
Mii ohcat du geas lea akademalaš eksámen ja akademalaš árvosánit davvisámegielas. Don máhtát davvisámegiela sihke njálmmálaččat ja čálalaččat. Dus lea áinnas hárjáneapmi bargat almmolaš hálddašeamis. Mii gáibidit ahte leat hárjánan dihtoriin bargat. Gáibidit maiddái ahte dus lea vuodjingoarta dannego sáhtát šaddat mátkkoštit.
Persovnnalaš iešvuođat
Dutnje lea álki ovttasbargat iežáiguin, máhtát bures čálalaččat ovdanbuktit ja leat iešheanalaš ja áŋgir ulbmiliid guvlui bargat. Bargoaddi deattuha sakka du persovnnalaš iešvuođaid.
Virgáibidjanhápmi
Fásta virgi. Olles áiggis. Sámedikkis lea guđa-mánnosaš geahččalanvirgáibidjan.
Bargobáiki
Giron
Háliidat go eambbo diehtit?
Eambbo dieđuid oaččut Kultur-, giella- ja diehtojuohkinossodaga hoavddas Marie Louise Allas, tel. 0980-681 93.
Fágaservviid oktavuođaolbmot leaba Aina Negga SACO-S Sámedikki Searvvi ovddas, tel. 0980- 780 58 ja Karin Vannar ST-Sápmi ovddas, tel. 0980-780 21.
Buresboahtin iežat ohcamušain maŋemusat 2014-09-25. Mis lea individuála bálkábidjan, danin berret čállit iežat bálkágáibádusa. Sádde čuovvovaš čujuhussii iežat čálalaš ohcamuša persovnnalaš reivviin, ánsologahallamiin ja kopiija áššebáhpiriin maid háliidat buktit ovdan, ja čále goas dus lea vejolašvuohta álgit bargui: Sámediggi, Box 90, 931 22 Giron. Sáhtát maid sáddet ohcamuša e-boastta bakte: kansli@sametinget.se . Bija ref.nr. 2.4.1-2014-1194
Sámediggi vállje ieš guđe medias dán virgáibidjama almmuha. Mii eat hálit vuovdinfálaldagaid telefovnna bakte.
