Mii ohcat ekonomiija- ja hálddahusossodaga hoavdda
Sámedikki čállingottis leat golbma ossodaga ja hálddahushoavdda vuollásaš bargoveahka. Ekonomiija- ja hálddahusossodahkii gullá ekonomiijadoaibma, bargoveagadoaibma, IT ja siskkáldas bálvalusat.
Barggut
Ossodathoavda lea hálddahushoavdda vuollásaš ja lea mielde Sámedikki jođihanjoavkkus. Dus lea ovddasvástádus leat hálddahusdoarjjan dakkár áššiin mat gullet presidia ja stivrra j.ea. bargguide.
Dus lea ovddasvástádus hálddašit eiseválddi ekonomiija, ovddidit ekonomiija- ja hálddahusossodaga doaimma ja bargoveagaáššiid, ja fuolahit siskkáldas bálvalusaid. Bargguide gullá budjeahttabargu, budjeahttačuovvoleapmi, jahkečielggadus, raporterenáššit, čuovvolanáššit ja eiseválddi ekonomiija proseassaid ja rutiinnaid ovddideapmi. Ossodathoavda lea maiddái bargiidhoavda, sihkarvuođahoavda ja IT-heiveheaddji.
Gii don leat?
Mii ohcat jođiheaddji geas leat návccat ovdánahttit, movttiidahttit ja jođihit bargiidis. Dus lea strategalaš, analyhtalaš ja čorgadis vuohki plánet, delegeret ja jođihit doaimma mearriduvvon ulbmiliid guvlui. Dus leat buorit gulahallanattáldagat it ge deattut iežat prestiša, ja danin nagodat hukset buriid oktavuođaid sihke siskkáldasat ja organisašuvnna olggobealde. Bargoaddi sakka deattuha du persovnnalaš iešvuođaid.
Mii ohcat olbmo geas lea siviilaekonomaeksámen dehe iežá oahppu mii min mielas heive dán virgái. Dus galgá leat duođaštuvvon jođiheaddjehárjáneapmi, ja berret leat bargan almmolaš hálddašeamis. Lea maiddái buorre jus leat bargan politihkalaččat stivrejuvvon ásahusas. Máhttu sámegielas, sámi kultuvrras ja servodateallimis lohkko bargoánsun. Bargoánsun lohkko maid jus lea bargohárjáneapmi ekonomiijadoaimmas, bargiiddoaimmas, IT:s dehe siskkáldas bálvalusdoaimmas.
Gulahallanolbmot
Oza virggi ja loga eambbo dan birra neahttasiiddus www.experis.se JobID: 942363.
Eanet dieđuid addá bargokonsulta Inger Sundgren, telefovdna 070-3774891 dehe e-boasta: inger.sundgren@se.experis.com
Maŋemus ohcanáigemearri lea golggotmánu 5 beaivvi.
Fágaservviid gulahallanolbmot leaba Staffan Falkefjeld SACO-S ovddas, tel. 0980/780 36 ja Eva Svonni ST-Sápmi searvvi ovddas, tel. 0980/780 33.
