Dehálaš go don jienastat reivve bakte
Válggas 2005 ledje 213 jiena mat eai dohkkehuvvon go jienat rehkenastojuvvojedje. Leai measta 5 % visot reivejienain. Ná dagat vai dutnje ii geava seammaládje!
Go Leanstivra Norrbottenis rehkenastii reivejienaid maŋŋel válgga 2005 gávnnahuvvui máŋga váilevašvuođa. Dás mii fuomášuhttit du moadde dain nu ahte don vissásit dieđát ahte du jietna lea dohkálaš.
Dábálaš sivat
3330 reivejienat bohte sisa njuolga áiggi (5 reivejiena bohte sisa ilá maŋŋit). 213 dain eai lean dohkálačča čuovvovaš sivain:
- 7 reivejiena váillahedje olggoškuveartta
- 1 jietna váillahii olgguldaskuveartta
- 42 olggoškuveartta eai lean giddejuvvon dehe ledje rahpojuvvon
- 49 olgguldaskuvearttat eai lean giddejuvvon dehe ledje rahpojuvvon
- 77 olgguldaskuvearttain eai lean válljejeaddji dehe vihtániid vuolláičála ja čujuhusat
- 19 válgakuveartta ledje olggubealde olgguldaskuveartta
- 1 olgguldaskuvearttas ledje eanet go okta válgakuveartta
- 12 olgguldaskuvearttas eai lean válgakuveartta (!)
- 9 válgakuveartta eai lean njuolga soarttas
