Duogasj
2007 ådåjakmáno 1.b. rájes le ådå ednamdáfoprográmma fámon doarjjaj ja mávsálvisájda ednamdáfuj. Prográmma målssu åvdep birás- ja ednamdáfoåvddånimprográmmav (LBU –prográmmav). Prográmma gåhtjoduvvá Ednamdáfoprográmman.
• Nanosvuohta
• Åvddånibme ja bargo
• Guhkaájggásasj investerima ulmutjijn, máhttudagá industriddja tjerdajn ja kapitálan
Niellja vuorodum suorge
Ednamdáfoprográmma gájkbadjásasj ulmme le ednamdáfo ekonomalasj, ekologalasj ja sosiálalasj nanos åvddånimev åvdedit. Ådå ednamdáfoprográmma vuordeduvvá ednam- ja miehttsebargo ådåstuhttemij EUan åvdedit ja dajna lasedum gáhpustimfábmuj, birrasa ja viessomkvalitehta buoredibmáj ednamdáfon ja ekonomidja rievvdadibmáj. Ednamdáfoprográmma le niellja vuorodum suorgij birra vuododum:
1. Buoredum gáhpustimfábmo ednam- ja miehttsebargon
2. Ednamávkkimplánim
3. Ekonomidja rievddadibme ja buorre viessomkvalitähtta ednamdáfon
4. Birásdoarjja ednambargon/Leaderdimensionen
Ålles Svierik ietján gå stuorrastáda li ednamdáfo
Svierik le ietjá europa rijkaj guoran ihkeva vuorjjat álmmugahtedum. Svieriga ålles vijddudahka ietján gå stuorrastáda danen ednamdáfon märostuvvá. Nuortta Svierigin gávnnuji stuorra bájke ihkeven vuorjjás stuoves viesádij. Ednama danna ávkkiduvvi i.s. miehttsebargguj, ällosujttuj, ålggodoajmmaj ja turissmaj. Negatijvalasj viesátåvddånibme aneduvvá ienep oasseájggeårudimes ja ienep guosseäládusás muhtem mudduj målsuduvvat.
Umasslágásj dårja
Dårja máhtti mierreduvvat ednamdáfo åvddånibmáj, birásbuoredim dagojda ja nannidum gáhpustimfábmuj boatsojäládusán, ednam- ja miehttsebargon, sjattadagán ja biebbmobuoredimen. Bájkálasj oasálasjvuohta ednamdáfo åvddånimen galggá aj árvusmáhteduvvat. Oattjotjit álgadimev umasslágásj dårjaj ja máksotjerdaj birra máhtá viedtjat ássjetjállagijt ma gájkbadjásattjat prográmmav gåvådi. Stáhta Ednambarggodåjmadahka le tjuottjudusfábmudahka ednamdáfoprográmmaj. Lenastivra ja Sámedigge li dårjafábmudagá.
Åtsålvisá Sámediggáj
• Åtsålvisá ma vidnudakdoarjjaj ja prosjäktadoarjjaj guosski sáme vidnudagájda galggi Sámediggáj rájaduvvat.
• Åtsålvisá luonndo- ja kultuvrrabirrasij bisodime gávttuj ällosujttoguovlon galggi Sámediggáj rájaduvvat.