Máhtá prosjäktadårjav åhtsåt gålojda ma badjáni gå álgada ja åvdeda ednamdáfov ja ruodná äládusájt.

Ulmme
Gájkbadjásasj ulmme le ednamdáfo äládusáj ienep doajmmaguovlojt ja buorep viessomkvalitehtav åvdedit. Buojkulvis prosjevtajda le åvddååtsådallamijt ållidit, värmmádagájt vuododit jali aktijbarggotjoavddusijt vuododit.

Gesi máhttá prosjäktadoarjja mierreduvvat?
Akta jali moadda vidnudagá, organisasjåvnå, siebre, kommuvna ja fábmudagá máhtti prosjäktadårjav åhtsåt. Boados galggá ienep gå avta oassáj ávkken årrot ja åvdedit ulme måhkkåj ednamdáfoprográmman jåvsådit. Mierreduvátjit dårjav hähttu dujna prosjäktaplána gávnnut.

Masi máhtá doarjja mierreduvvat?
Suorge prosjäktadoarjjaj li vijdeduvvam ja ådå juohkusa máhtti dårjav åhtsåt. Máhtá dårjav doarjjavuododiddje gåloj muhtem oassáj mierreduvvat. Doarjjamierre máhttá målssåsit ja njuolgadus ij le ájn mierredum. Suorge gåbttji umasslágásj ássjijt bv.

• vidnudagáj ienep doajmmaguovlo
• turissma
• dievnastibme
• tjiellde/sijddaåvddånibme
• luonndo- ja kultuvrraárbbe
• ruodná suorge aktijbarggo ja åvddånibme
• infrastruktuvra plánim

Nåvti åtså
Sámedikke ja Ednambarggodåjmadagá webbabielen gávnnuji åtsålvisblankehta ja diededibme vidnudakdårja birra. Buorre lisj dávk dårjav åhtsåt åvddål gå dagov álgat. Esski maŋŋela gå åtsålvis le Sámediggáj rájadum ja duodastuvvam de gålo doajmmaj máhtti doarjjavuododiddjen riekkniduvvá. Loabedusá e vas gávnnu åtsålvis dåhkkiduvvá. Åtsålvis dagáduvvá guokta dagojn. Dårjav vuostak åhtså ja gå le ållidam dago åsijt jali ållåsit de dårja máksusav åhtså.

Girjásj
Máhtá ienebuv låhkåt máhttelisvuodaj birra gåktu dårjav ussjolmisájda ja åvddånimprosjevtajda åhtsåt girjátjin ”Vidnudakdoarjja ja prosjäktadoarjja /Företagsstöd och projektstöd”. Girjátjav viettja internehta baktu jali Sámedikkes rávvi.