Gelbugisvuohtaåvddånibme gávnnu prosjäktadoarjjan ja vidnudakdoarjjan. Mierkki dujna vidnudallen le máhttelisvuohta ietjat gelbugisvuohtaåvddånimev vuododit. Ållidittjat dáv organisasjåvnå ja ietjá dåjmadiddje gudi gelbugisvuohtaåvddånimev ásadi máhtti aj dårjav åhtsåt. Dåjma e oattjo kursajn ja hárjjidallamin stuoves åhpadusán gymnásan jali alebun gávnnut.

Makkir suorgijn?
Ållidittjat jali ásadittjat gelbugisvuohtaåvddånimev máhtá dårjav gájk åvdemusát tjuovvo suorgijn mierreduvvat:

• vidnudakåvddånibme
• ednambarggobagádallam
• birrasa, ednamdáfo buoredibme ja lasse judoshukso (ällosujtto aj)
• máhttudaksirddem åtsådimes ja åvddånimes
• turissmaäládusá åvdedibme
• vuododiddje dievnastusá ekonomiddjaj ja álmmugij ednamdáfon
• luonndo- ja kultuvrraárbe ednamdáfon bisodibme ja åvddånibme åvddålij guovlluj
• tjiellde/sijddaåvddånibme

Nåvti åtså
Åtsålvis dagáduvvá åtsålvissan vidnudakdårja jali prosjäktadårja birra (gehtja gåroválljidagáv).