Árranin gasskavahko ådåjakmáno 28. biejve kl. 18:30 - 21:00.
Prosjevta
18.12.2012
Prosjektaháldadusá gåhtjoduváj álgon ”Girjjevuorkkáprosjektan”. Oajvvedahkamus lij sáme åssudagáv ásadit Divtasvuona álmmukgirjjevuorkán ja budsjehtta aktan bálkkájn lij 500.000,-. Suohkana Jiellevárre ja Divtasvuodna juollodijga 50.000,- goabbák. Dav mij de vádnunij hæhttujin åttjudit juollodimij baktu iehtjádijs. Vuostasj vahkojn lájgguj prosjevta ájnna bargge kontåvråv Sámedikke háldadusán Árran Julevsáme guovdátjin. Dán maŋŋela jådij prosjekta Margits Minnej Ájluovtan.
Jagen 2001 rievddaduváj Girjjevuorkkáprosjevta organiserim, ådå namma bådij (Prosjektaháldadus), ådå bargov oadtjun ja biejaduvvin njuolgga háldadusoajve vuolláj stuoves jådediddjijn. Suohkanstivrra mierredij Prosjektaháldadus galgaj iesj ietjas dåjmav ruhtadit prosjevtaj baktu.
Jagen 2006 mierredij suohkanstivrra budsjehtan biedjat 207.000 æládusfåndas Prosjektaháldadusá hállduj æladus- ja åvddånahttemdåjmajda. 2007 ja 2008 ælla suohkanlasj rudá juolloduvvam prosjektaháldadusá doajmmaj.
Jagen 2006 ja muhtem mærráj 2007 lij prosjektaháldadusán aj oasseåvdåsvásstádus jåhtalusássjijs, sáme giellaháldadimguovlos, ja æládus- ja jåhtaluskomitea tjálledåjmas.
Jagen 2006 rievddadij Divtasvuona suohkan organisasjåvnåv ja Prosjektaháldadus biejaduváj Teknihkalasj etáhta vuolláj.
Vuollelin vuojná muhtem buojkulvisá prosjevtajs ma li tjadáduvvam aktisasjbarggon Jielleváre suohkanijn ja EU-rudáj baktu ruhtaduvvam.
- Girjjevuorkkáprosjekta (1998 – 1999)
- Interreg Atlas (2000 – 2002)
- Juomisjtsiekkadusá (Sadje)
- Universitetens registreringssentral
- Interreg Nordkalottleden (2002 – 2005)
- Grenseleden/Rádjebálges (2006 – 2008)
- Samvärknad för tilväkst (2006 – 2008)
Buojkulvisá ietjá prosjevtajs:
- Julevsáme girjjebussa ásadibme
- Drag Aktivitetspark
- Stetind - máhttelisvuodaguoradallam
- Sáme giellakursa
- Seminára guovtekultuvralasj dilij gáktuj
- Julevsáme varresvuodaterma
- Digforsk – stáhtalasj barggosajij ásadibme
- Turissmavejulasjvuodaj guoradallam Måsken
- Muhtem viddnudakásadime Divtasvuonan
- Boligsosial handlingsplan
Prosjektaháldadus le vásstedam ráddnávuohtaaktisasjbargo åvdås Jielleváre suohkanijn. Prosjektaháldadusán le aj læhkám oasseåvdåsvásstádus kultuvrra- ja æládusássjij giehtadallamis maŋemus guokta jage. Prosjektaháldadus le aj viehkedam æládusásadimij.
Posjektaháldadus viehket suohkana ietjá åssudagájt prosjektaåvddånahttemin, prosjektaháldadusán ja prosjektajådedimen.
Andre nyheter:
Bispevisitas i Tysfjord 21- 25 januar
Biskop Tor B Jørgensen kommer på visitas til menighetene i Tysfjord...
Interne lenker
Dette er en overikt over lenker til tjenester og websider ansatte b...
