Fitnodatdoarjagat juhkkojuvvojit dáidda:
• álggahandoarjja
• investerendoarjja
• doarjja olgguldas bálvalusaid
• gelbbolašvuođaovdáneapmi

Vuođđoeaktu visot fitnodatdoarjagiidda lea ahte ráhkadat gávpeplána. Gávpeplána lea vuođđun Sámedikki vuoruhemiide.

Álggahandoarjja
Ulbmil álggahandoarjagiin báikegoddeprográmmas lea ahte sihkarastit boazoealáhusa boahtteáiggi ja ovdánahttinvejolašvuođaid. Jus etableret iežat eaiggádin boazodoallofitnodahkii, de sáhtát ohcat álggahandoarjaga. Loga eanet

Investerendoarjja
Ulbmil investerendoarjagiin lea ahte nannet ekonomiija ja ovdánahttit doaimmaid fitnodagain báikegottis lasihandihte fitnodagaid gilvalannávccaid, gánnáheami ja šaddama. Investerendoarjaga viidodat lea stuorrun ja ođđa joavkkut sáhttet ohcat. Investerendoarjaga sáhttá ohcat o.m.d. ođasmahttimii, ovddušteapmái, diversifieregii, turismii, lassánan barggaheapmái ja kulturárbbi ovddešteapmái gávppálaš ulbmiliid dihte.

Doarjja oastit olgguldas bálvalusaid
Ulbmil dáinna doarjagiin lea nannet ekonomiija fitnodagain báikegottis. Sáhtát oažžut doarjaga gokčandihte muhtin oasi goluin go oasttat sisa gelbbolašvuođa ja bálvalusaid doaimma ovdánahttima oktavuođas. Sáhtát oažžut doarjaga eanemusat 30 proseanttain, davvi Ruoŧas eanemusat 50 proseanttain, doarjjavuoigaduvvon goluin. Dát doarjja sáhttá dievasmahttit investerendoarjaga.

Gelbbolašvuođaovdáneapmi
Ulbmil lea álkidahttit fitnodagaid heiveheami ođđa eavttuide ja nannet gilvalannávccaid. Loga eanet

Sámedikki čađahanstrategiija
Sámedikkis lea iežas startegiija juohkit doarjaga joksandihte buoremus váikkuhusa. Strategiijas lea mearkkašupmi daidda geat ožžot doarjaga. Sámediggi árvvoštallá ja vuoruha ohcamušaid sámi fitnodatolbmuin. Loga eanet áššegirjjis olgešspálttas.

Ná ozat
Ohcanskovit ja diehtojuohkin fitnodatdoarjaga birra gávdnojit sihke Sámedikki ja Eanadoallodoaimmahaga ruovttusiidduin. Ohcamuš mii guoská sámi fitnodagaide galgá sáddejuvvot Sámediggái. Lea ovdamunni ohcat doarjaga ovdal go álggaha maidege. Easka go ohcamuš lea sisasáddejuvvon Sámediggái ja duođaštuvvon sáhttet golut doaibmabidjosa ovddas rehkenastojuvvot vuođđun doarjagii. Muhto eai gávdno dáhkadusat ahte ohcamuš dohkkehuvvo.

Guokte lávkki
Ohcamuš dahkkojuvvo guovtti lávkkis. Álggus ozat doarjaga ja go olles dehe oasit doaibmabidjosis lea čađahuvvon de ozat olggusmáksima doarjagis.

Skovit
Skovit fitnodat- ja prošeaktadoarjagiidda gávdnojit olgešspálttas. Gávdnojit maiddái word-hámis nu ahte don sáhtát ieš seastit daid iežat dihtorii ja bargat viidáset dainguin. Jus dárbbahat eanet dokumeanttaid ollašuhttindihte iežat ohcamuša, de gávnnat daid Eanadoallodoaimmahaga ruovttusiiddus - liŋka lea vuolimusas olgešspálttas.

Dieđihančálus
Dieđihančállosis ”Fitnodatdoarjagat ja prošeaktadoarjagat” gávnnat eanet dieđu vejolašvuođaid birra ohcat doarjaga. Rávve dan Sámedikkis dehe ledde vulos dan olgešspálttas.