Sámegiela hálddašanguovlu
Sámegiel hálddašanguovlu leat suohkanat gos sámegiella ja dárogiella galgaba leat dássálaga.
Lea suohkanstivra mii mearrida háliida go suohkan šaddat oassin sámi hálddašanguovllus. Jus dan háliida, de ohcá suohkan Gieldda- ja ođasmahttindepartemeanttas beassat mielde sámi hálddašanguvlui. Go suohkan šaddá oassin hálddašanguovllus, de šaddá fylkkasuohkan automáhtalaččat maid mielde.
Go suohkan lea searvan sámegiel hálddašanguvlui, de sáhttá suohkanstivra maid mearridit ahte sámegiella ja dárogiella galgaba leat dássálaga olles suohkana áššemeannudeamis dahje muhtin osiin suohkana áššemeannudeamis Dát mearkkaša ahte suohkana áššebáhpirat galget leat sámegillii ja dárogillii (Sámelága § 3-9).
Sámi hálddašanguovllu suohkanat ja fylkkasuohkanat:
Guovdageaidnu, Kárášjohka, Deatnu, Porsáŋgu, Unjárga, Gáivuotna, Loabát, Divttasvuotna, Snåsa ja Røyrvik.
Finnmárkku fylkkasuohkan, Romssa fylkkasuohkan, Nordlándda fylkkasuohkan ja Davvi-Trøndelága fylkkasuohkan
